Britania vlerëson angazhimin e ushtarëve të Kosovës në stërvitjen e kolegëve ukrainas

Një kontingjent i ushtarëve të FSK-së, mbrëmë është nisur për në Britani të Madhe për të mbështetur operacionin INTERFLEX.

Kështu ka njoftuar misioni i MB-së në Kosovë përmes një postimi në X.

Aty thuhet po ashtu se “Kosova ka mbështetur dhe demonstruar solidaritet me Ukrainën dhe popullin ukrainas që nga fillimi i luftës”.

Ambasada britanike thotë se operacioni INTERFLEX zhvillohet në Mbretërinë e Bashkuar dhe ka për qëllim stërvitjen e trupave të ushtrisë ukrainase.

“Ministria e Mbrojtjes dhe FSK-ja kanë ofruar gatishmëri për angazhimin e instruktorëve për të ndihmuar në procesin stërvitor të Ushtrisë së Ukrainës në kuadër të këtij operacioni”, u tha në njoftimin e kësaj ambasade.

Check Also

Suedia dërgon trupa në vijën e frontit të NATO-s, ushtria përgatitet për anëtarësim

Suedia do të dërgojë trupa luftarake në Letoni, ndërsa vendi po përgatitet për anëtarësimin e …

Leave a Reply

Your email address will not be published. Required fields are marked *