Kamioneta futet ilegalisht në Veri, gjenden mallra me prodhim të Serbisë

Policia e Kosovës ka bërë të ditur se mbrëmë në Jashanicë të Komunës së Leposaviqit ka ndaluar një kombi, i cili kishte hyrë nga Serbia për në Kosovë, përmes rrugëve ilegale.

Ndërkohë, vozitësi i kombit ka vërejtur njësinë policore, ku më pas ka braktisur automjetin dhe ka ikur në drejtim të panjohur.

Pas kontrollimit të automjetit, policia ka vërtetuar se ai ishte i mbushur gjëra ushqimore dhe pije alkoolike.

“Policia e Kosovës me njësitet e saj po punon me përkushtim në menaxhimin dhe kontrollin e vijës kufitare, si dhe parandalimin e veprave penale që ndërlidhen me kontrabandën apo kalimet e paautorizuara të kufirit shtetëror”, thuhet në njoftimin e Policisë së Kosovës.

Ndërkaq, në lidhje me rastin janë informuar njësitet relevante dhe automjeti është dërguar në Terminalin Doganor për procedura të mëtutjeshme ligjore.

  

Check Also

Suedia dërgon trupa në vijën e frontit të NATO-s, ushtria përgatitet për anëtarësim

Suedia do të dërgojë trupa luftarake në Letoni, ndërsa vendi po përgatitet për anëtarësimin e …

Leave a Reply

Your email address will not be published. Required fields are marked *