Ky është njëri prej të dyshuarve që shtiu me armë drejt Policisë në Veri

Në orët e hershme të mëngjesit të sotëm në fshatin Bube të Zubin Potokut, Njësia e Ndërhyrjes së Shpejtë e Policisë Kufitare është përballur me rezistencë të armatosur nga disa persona të dyshuar. Zyrtarët policorë i janë kundërpërgjigjur sulmit dhe kanë arritur që të arrestojnë njërin prej personave të dyshuar.

Mësohet nga sinjali se i dyshuari është Dragoslav Igrutinoviç, 42-vjeçar.

Gjatë shkëmbimit të zjarrit, zyrtarët policorë dhe Igrutinoviç nuk kanë pësuar lëndime.

Sipas Policisë, gjatë kontrollit të kamionit, janë gjetur të ngarkuara 40 copë dele, pa dokumentacion përcjellës e që dyshohet se janë kontrabanduar nga Serbia për në Republikën e Kosovës.

Po ashtu aty janë hasur edhe dy automjete të braktisura, dyshohet se kanë qenë në përcjellje të kamionit.

“Në vendin e ngjarjes kanë dalë njësitet përkatëse policore, përfshirë IPK-në dhe për rastin është njoftuar prokurori. Ndaj të dyshuarit është iniciuar rasti kundrejt dy veprave penale: ‘sulmi ndaj personit zyrtar’ dhe ‘kontrabanda e mallrave’”, njoftoi Policia përmes një komunikate për media.

Kamioni me dele është dërguar në terminalin doganor, dy veturat e hasura në vendngjarje janë sekuestruar, kurse Prokurori i Shtetit ka urdhëruar ndalimin e të dyshuarit.

Ndërkohë po vazhdojnë hetimet për lokalizimin e vendndodhjes së të dyshuarve tjerë që dyshohet të jenë përfshirë në rast.

 

Check Also

Suedia dërgon trupa në vijën e frontit të NATO-s, ushtria përgatitet për anëtarësim

Suedia do të dërgojë trupa luftarake në Letoni, ndërsa vendi po përgatitet për anëtarësimin e …

Leave a Reply

Your email address will not be published. Required fields are marked *