Padi për Tahirin që tha se “Kurti lejoi Radioçiqin të ikte”, Kusari-Lila: PDK dhe Lista Serbe kanë qëllimin e njëjtë

Shefi i Grupit Parlamentar të PDK-së, Abelard Tahiri do të paditet për që ka thënë se kryeministri Albin Kurti “ka krijuar korridor për Milan Radoiçiqin që të ikte më 24 shtator”.

Kështu ka deklaruar Mimoza Kusari-Lila nga Lëvizja Vetëvendosje, e cila për PDK-në ka thënë se ka pasur plane me Listën Serbe për ta rrëzuar Qeverinë Kurti.

“Përgjimet e jashtëligjshme të cilat u inçizuan në Maj të 2022-tes, u përdoren në korrik të 2023-tes, në një përpjekje për ta rrëzuar Qeverinë Kurti nga eksponentë të PDK dhe sipas rrjedhës së ngjarjeve me asistim direkt nga Lista Serbe, 14 muaj pasi këta të fundit ishin larguar nga Kuvendi në pamundësi të arritjes së çfarëdo arranzhmani me Qeverinë Kurti”, ka shkruar ajo, përcjell KosovaLajm.net

Se e kanë qëllimin e njejtë mes vete, e tregon edhe kjo retorikë e përfaqësuesit të PDK-së. As edhe një fjalë e vetme për përpjekjet e Serbisë dhe Vuçiçit përmes Radojqiqit për sulm ndaj Kosovës, por plot gojën e kanë me sulme e shpifje ndaj Qeverisë së vendit.

Për këto dezinformata dhe abuzim të vazhdueshëm me të vërtetën, unë do të padis Abelard Tahirin, ashtu sikur kam paditur të gjithë ata që i bashkërendojnë aktivitetet me Listen Serbe e eksponentët e tyre për t’ju dhënë mundësinë që t’i deklarojnë të njejtat në Gjykatë, për çfarë duhet mbajtur përgjegjësinë ligjore”.

Check Also

Suedia dërgon trupa në vijën e frontit të NATO-s, ushtria përgatitet për anëtarësim

Suedia do të dërgojë trupa luftarake në Letoni, ndërsa vendi po përgatitet për anëtarësimin e …

Leave a Reply

Your email address will not be published. Required fields are marked *