Policia e Kosovës angazhon personel shtesë në pikat kufitare, shkak zgjedhjet në Serbi

Policia e Kosovës ka angazhuar personel shtesë në pikat e kalimit kufitar, në mënyrë që të përballohen më shumë kalime se ditëve të tjera.

Kjo për shkak se qytetarët e Republikës së Kosovës, kanë udhëtuar dhe do të udhëtojnë gjatë ditës për të votuar në zgjedhjet e Serbisë që po mbahen sot, raporton Kosovalajm.net.

“Të gjitha angazhimet policore në terren, përfshirë ato kufitare do të zbatohen sipas procedurave të parapara ligjore, me qëllim të ofrimit të sigurisë, ruajtjes së rendit e qetësisë publike si dhe mundësimit të qarkullimit dhe lëvizjes së lirë të qytetarëve”, shkruan në kumtesën e policisë.

“Për shkak të fluksit të qytetarëve dhe procedurave kufitare, ka ndikuar në krijimin e disa pritjeve të kalimit kufitar në disa pikë kalime kufitare që lidhin Republikën e Kosovës me Serbinë, ku për të shmangur këto pritje Policia e Kosovës ka angazhuar personel shtesë, në mënyrë që të kemi një menaxhim sa më efikas të kufijve shtetëror ashtu siç parashihet edhe me MIK, (menaxhimi i integruar i kufirit)”.

Check Also

Suedia dërgon trupa në vijën e frontit të NATO-s, ushtria përgatitet për anëtarësim

Suedia do të dërgojë trupa luftarake në Letoni, ndërsa vendi po përgatitet për anëtarësimin e …

Leave a Reply

Your email address will not be published. Required fields are marked *